Home Air tickets Hotel booking Bus tickets Advertising Terms FAQ Contact us Сайт AirTickets.am на русском    Switch to AirTickets.am

Հաճախ տրվող հարցեր (FAQ)

Ի՞նչ է նշանակում օնլայն կամ էլեկտրոնային ավիատոմս

 

Էլեկտրոնային ավիատոմսը մեզ բոլորիս ծանոթ սովորական տոմսի էլեկտրոնային տարբերակն է, որտեղ ուղևորի անձնական տվյալները պահվում են էլեկտրոնային տարբերակով կենտրոնական սերվերներում: Օդային ուղևորափոխադրումներում մեր օրերում օգտագործվում է հիմնականում ավիատոմսերի էլեկտրոնային տարբերակը և միայն ավիաընկերությունների չնչին տոկոսն է տրամադրում թղթե ավիատոմս:

Ինչպե՞ս է կատարվում ավիատոմսերի կամ հյուրանոցների որոնումը

 

airtickets.am կայքը հանդիսանում է միջնորդ հարթակ, որը կապակցված է միջազգային տուրիստական որոնման համակարգին: Համակարգում ներառված են մոտ 800 ավիատոմսերի և հյուրանոցների ամրագրման ծառայություններ, որոնց արժեքները ցուցադրվում են ըստ կատարված որոնման հարցման: Համապատասխան որոնման ժամանակ համակարգը կապակցվում է բոլոր ծառայություններին և ստանում տվյալ որոնման հարցման համար արդյունքներ և ցուցադրում տվյալ ավիատոմսի կամ հյուրանոցի ամենաէժան գները:

Համակարգում ներառված են այնպիսի ծառայություններ, ինչպիսիք են՝ Expedia, airtickets.com, Vayama, TravelGenio, Booking.com, Hotels.com, Tripsta, eDreams և այլ ծառայություններ:

Ինչպե՞ս ամրագրել ավիատոմսեր օնլայն

 

airtickets.am որոնման համակարգում կատարվում է միայն ավիատոմսերի որոնում: Որոնման արդյունքներում օգտվողին ցուցադրվում են ավիատոմսերի գները ըստ կանխադրված արժույթի: Ցուցադրված արդյունքներից յուրաքանչյուրը հնարավոր է ամրագրել՝ սեղմելով տվյալ արժեքի վրա և անցնելով տվյալ ամրագրման համակարգ, որտեղ էլ կատարվում է ավիատոմսի վերջնական ամրագրումը:

Ո՞վ է վաճառում օնլայն ավիատոմսերը

 

Ավիատոմսերի ամրագրումը կատարվում է մի քանի տասնյակ ամրագրման համակարգերում, որոնք կապակցված են կենտրոնացված որոնման համակարգին: Ամրագրման համակարգերը հանդիսանում են երրորդ կողմի ծառայություններ, որոնցից յուրաքանչյուրն առաջարկում է ծառայություններ ըստ սեփական պայմանների: Որոնելով որոշակի ուղղությամբ թռիչքի տոմսեր՝ դուք կարող եք տեսնել այդ տոմսի արժեքները մի քանի ամրագրման համակարգերում, որոնցից ամենահարմար տարբերակը կարող եք ընտրել և գնել տվյալ ամրագրման համակարգում:

Ինչպե՞ս վճարել ավիատոմսի կամ հյուրանոցի ամրագրման համար

 

Ավիատոմսի կամ հյուրանոցի սենյակի ամրագրման համար վճարումը կատարվում է միայն օնլայն ամրագրման համակարգերում: Վճարումը կատարվում է VISA կամ MasterCard վճարային քարտերով: Ընդ որում քարտի արտարժույթը էական չէ: Եթե ձեր քարտը դրամային է և դուք ամրագրման համակարգում պետք է վճարեք ԱՄՆ դոլարով, ապա վճարման պահին դրամը կփոխարկվի ԱՄՆ դոլարի ըստ տվյալ պահին ձեր քարտը թողարկող բանկի փոխարժեքի:

Ի՞նչ արժույթով է կատարվում օնլայն ավիատոմսի վաճառքը կամ հյուրանոցային համարի ամրագրումը

 

airtickets.am որոնման ծառայությունը կապակցված է միջազգային որոնողական համակարգին, որի կողմից առաջարկվում են ավիատոմսերի և հյուրանոցների ամրագրման արժեքները տարբեր արժույթներով: Դուք կարող եք ընտրել արժույթների ցանկից և ձեզ հարմար տարբերակով տեսնել ամրագրման արժեքը, օրինակ՝ ԱՄՆ դոլարով, ռուսական ռուբլիով կամ Եվրոյով: ՀՀ դրամը բացակայում է վերոնշյալ ցանկում:

Հնարավո՞ր է որոնել ավիատոմս օնլայն համակարգերում և գնել այն գրասենյակում միևնույն գնով

 

Ոչ: Էլեկտրոնային ավիատոմսերի գները ցուցադրվում են միայն տվյալ ամրագրման համակարգերում ամրագրման պայմանով և դրանք հնարավոր է գնել այդ գնով միայն տվյալ օնլայն ամրագրման համակարգում: Օնլայն ավիատոմսերի ամրագրման համակարգերի և գրասենյակներում վաճառվող միևնույն ավիատոմսի գները կարող են տարբերվել (սովորաբար 2-5%, սակայն երբեմն տարբերությունը շատ մեծ է լինում):

Կարո՞ղ ենք ինքնուրույն գտնել ավիատոմսերը և կապվել airtickets.am-ի հետ, որպեսզի դուք ամրագրեք այն կամ օգնեք ամրագրել այն կամ ճշտեք ավիատոմսի արժեքը:

 

Ցավոք, մենք չունենք այնպիսի ծառայություն և հնարավորություններ, որպեսզի կարողանանք ամրագրել ձեր ընտրած ավիատոմսը ձեր փոխարեն: Մենք կարող ենք պատասխանել ձեր հարցերին միայն էլփոստով, եթե ունեք հատուկ հարցեր՝ կապված ավիատոմսի կամ հյուրանոցի օնլայն ամրագրման հետ: Ավիատոմսերի կամ հյուրանոցների գների հարցումներին մենք չենք պատասխանում, քանի որ օնլայն որոնման համակարգը նախատեսված է հենց այդ հարցերին պատասխանելու համար:

Ավիատոմսը ամրագրելուց հետո ինչպե՞ս օգտագործել այն

 

Էլեկտրոնային ավիատոմսերը պարտադիր չէ տպել և ներկայացնել օդանավակայանում: Սակայն ցանկալի է, որ այն ունենաք ձեր ձեռքի տակ՝ տպված, սմարտֆոնում կամ պլանշետում: Ավիատոմսի ամրագրումից հետո ձեր տվյալներն ավտոմատ պահվում են կենտրոնացված հիշապահեստում, և օդանավակայանում տոմս ներկայացնելու կարիք այլևս չի լինում, այլ պարզապես պետք է ներկայացնել անձնագիր և անցնել հաշվառում (check-in կամ регистрация):

Ինչպե՞ս փոխել թռիչքի օրը կամ վերադարձնել ավիատոմսը:

 

Էլեկտրոնային ավիատոմսերի վերադարձը կամ թռիչքի օրվա փոփոխությունը կատարվում է այն համակարգում, որտեղից կատարվել է ամրագրումը: Որպես կանոն, ավիատոմսի վերադարձի կամ փոփոխության դեպքում գանձվում են տուգանքներ (չափը կախված է նրանից, թե որքան վաղ եք վերադարձնում ավիատոմսը կամ փոխում դրա օրը): Յուրաքանչյուր ավիաընկերություն ունի ավիատոմսերի վերադարձի կամ փոփոխության սեփական պայմաններն ու քաղաքականությունը:

Կարդացեք նաև՝

airtickets.am կայքի օգտագործման պայմաններ

Frequently Asked Question | Airtickets.am

Cհeap online air tickets (from Yerevan city)

Get mobile applications and extensions